صراحه ما جربت هالشي شخصياً

لكن في ابتدائي صار موقف مع بنت معنا في الفصل

كانت هااادئه لكن فهمها بطيئ
يعني تحتاج وقت على ما تفهم الشي
وفجأه المعلمه قامت وضربت البنت بالمسطره بكل قوووووووووتها
على راس البنت ورجلها والبنت معها سكلسل حاااااد
وتخيلي صارت البنت مقعده وما مشت الا بعمليه في رجلها
وهالبنت قريبتي مرررره
ضايقني هالشي واجد وسبب لي عقده
واللحين صراحه عقدتي العصبيه والضرب اكرهه هالصفتين مثل كرهي للعمى واخااااف منهملانهم يسببوا لي الرعب من هالموقف

وفي نظري المعلم او المعلمه اللي يستخدم اسلوب الضرب ما يستحق يكون معلم
لأنه قدوه وعنصر تعليم للطالب او الطالبه
وبسبب هالاسلوب اللي اعتبره غبي
أندثرت هالمقوله والكل صار يسخر منها
" قم للمعلم وفه التبجيلا .. كاد المعلم أن يكون رسولا "

مميزات المعلم الناجح من وجهة نظري طبعاً :

لما يكون عنده قدره في توصيل المعلومه لطالب بأسهل الطرق
لما يكون قريب لطلبه بمعاملتهم كزملاء له او ابناء مو كناس اقل منه معرفه او مكانه او فهم
ولما يكون قادر على تحبيب الطالب في الماده ورفع معنوياته

وما يستخدم اسلوب الضرب لان الضرب عمره ما جاب نتيجه وحتى لو جاب نتيجه ونتيجه ممتازه بتكون بعد كسر هالشخص من داخله وتحطيم شخصيته بالكامل وهذا اللي بخليه مهما كان ناجح بكون حزييييييين ومو راضي عن نفسه ابداً ومستحيل بربي أولاده بطريقه غير الضرب

يعني كل معلم لازم يتطور نفسه ويستخدم اسلوب ارقى من الضرب والهمجيه لان في النهايه بكون عنصر تربيه للطالب

وهالكلام مو بس فقط للمعلم حتى الآباء والامهات


تسلمي يارا ع الطرح الرووووووووووووووووعه

ونتمنى نشوف رايك بعد

وسوري ع الإطاله
دمتِ بود