البوابة
الى كل بنت ناشبة في حلق أهلها وماتصرفت ههههههههههه
كيف تصطادين (تمساح)أي رجل دون اللجوء للأساليب المعهودة والسقيمة (المغازل-الترقيم-التلميح الى ماله سنع-الترزز بالاسواق.الخ
لاجابة على هذا السؤال اليك مايلي :
أهم نقطة (نشني على العجوز اللي حاطة عينك على ولدها) ثما نفذي مايلي :
1-خليك مع أمك لاتروحين مع البنات وتهيبلين اصبري عنهم كم شهر لين تتم العملية .
2-امشي وانتي حاطة راسك بين كتوفك لاترفعينها أبدا حتى لو يصير كله صعارير (خلي الفكس دائما في متناول اليد) علشان يقولون مؤدبة ومنتي متكبرة .
3-كلمة( خالة) خليها على لسانك وخاصة لأم التمساح علشان تحس بنوع من التميز عن بقية العجز .
لامانع تنادين وحدة ثانية بخالة علشان إذا مانجحت الخطة مع العجوز تنجح مع العجوز الثانية اتبعيها
كخطة احتياطية (يعني استبنة )
4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل
(كثر الطق يكسر الحديد) أدري إن المثل ماله داعي بس مالقيت غيره
5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم
كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (الله يعينك)
6-مهما أكلت أمك من عندهاأكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني او المكسيكي).
7-اذا جيتي بتمدين ايدك جعلها الكسر مديها بأدب مو كانش متصرقعه على عمرش.
وخلي أمك تقول :قايلة لك يابنتي لاتنظفين جدران البيت بس أنتي الله يهديك ذابحتك النظافه (جعلي ماابكيك أجل بتنظفين جدران البيت اجل نظفي غرفتك أول اللي تقولين ثايرة فيها قنبلة ذرية )
8-دايم ارتزي كأنك بالعة قصبة علشان ماينقص من طولك ولا سنتيمتر (للقصيرات)
9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا
حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق )
10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة .
11-شعرك افرديه لين يتحسحس لاتخلينه طاير وكوشه مهما كانت الموضة لأن العجز مايدورون الا اللي
شعورهم ناعمة, والا ياعمري اللي كششهم طايره ماحد يلتفت يمهم.
12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي
عليه حتى لو هو ماسخ وماله داعي, مثلا تقول العجوز:أمس جو ضيوف لابونا اتلقفي وقولي ليش ياخاله ماقلتي لينا عشان نجي نساعدك.(وانتي اتقولي ابركها من ساعه ماخبرتينا)
13-اذا رحتين عرس لاترقصين اربضي واقضبي ارضك واعتبري الرقص عيب وشق جيب ههههههه
14_اذا جا طاري السوق وطبعا هو لازم يجي الطاري لأنه ملح الجلسة عند الحريم خلي امك (الله يعظم أجر أميمتك)
بناتي مايطلعون للسوق أغراضهم أبوهم يجيبها (وانتي شكلك مقطعه السوق تقطيع).
(((((((احتمال وارد الحدوث))))))
ممكن تكون العجوز منيشنة على بنت غيرك لكن بعد النقاط السابق ذكرها بتصرف نظر عنك وعنها :الحين الحين بتكون العجوز وقعت باالفخ .
نصيحه اخيره
ابعدي عن امهات العيال اللي متعلمات راعيات الشنطه مثل لون الجوتي لان هذولي يبيلهم خطط بعيدة المدى
نصيحه :
رفيقاتك بيلاحظون التغيرات المفاجئة اللي صارت لك فأنتي قولي ليهم انك خلاص انسانه عرفتي درب السنع والعداله
__________________
واخيرا نقول مبروك عليك التمساح مقدما
منقول
تحياتي فتفوتة سكر
